بەپێی ڕاگەیەندراوێكی بەڕێوەبەرایەتیی پۆلیسی سلێمانی سلێمانی تێیدا هاتووە، مەفرەزەكانی بنكەی پۆلیسی شارەزووری سەر بە بەشی پۆلیسی شارەزوور پێنج تۆمەتباریان دەستگیركرد بە تۆمەتی ڕفاندنی هاوڵاتییەك و برینداركردنی.
لە ڕاگەیەندراوەكە هاتووە، دوای ئەوەی هاوڵاتییەك سكاڵای لەبەشی پۆلیسی شارەزوور تۆمار كرد كە لە لایەن چەند كەسێكەوە ڕفێندراوە و ئازاردراوە، مەفرەزەكانی بنكەی پۆلیسی شارەزوور لێكۆڵینەوەكانیان دەستپێكرد و لەماوەی كەمتر لە 24 كاتژمێردا سەرجەم تۆمەتباران دۆزرانەوە و دەستگیركران.
ئاماژە بەوەشكراوە، بەبڕیاری دادوەر ڕاگیراوان و لێكۆڵینەوە لەگەڵیان بەردەوامە.
دوای لێكۆڵینەوەكان دەركەوتووە، سكاڵاكار پاسەوانی باخچەیەكە و یەكێك لە تۆمەتباران درەنگانێكی شەو ویستوویەتی بچێتە ناو باخچەكەوە پاسەوانەكە ڕێگەی نەداوە، دواتر تۆمەتبار لەگەڵ چوار تۆمەتباری دیكە هەڵیانكوتاوەتە سەر سكاڵاكار و ڕفاندویانە و ئازاریان داوە.
