بافڵ جەلال تاڵەبانی پەیامێکی پیرۆزبایی ئاڕاستەی مەحمود مەشهەدانی کرد

بافڵ جەلال تاڵەبانی رایگەیاند، بەناوی خۆم و بەناوی یەکێتیی نیشتمانیی کوردستانەوە پیرۆزبایی خۆمتان ئاڕاستەدەکەم لە بەرامبەر بەدەستهێنانی متمانەی ئەنجومەنی نوێنەرانی عێراق.

بافڵ جەلال تاڵەبانی سەرۆکی یەکێتیی نیشتمانیی کوردستان ئاماژەی بەوەشکردووە، ئێمە متمانەی تەواومان هەیە ئێوە سەرکردایەتیی ئەنجومەنەکە دەکەن بە تەواویی و بوونتان تیایدا رۆڵی ئەنجومەنی نوێنەرانی عێراق چالاکدەکات لە تەواوکردنی ئەو پابەندبوونانەی لەسەری رێککەوتووین لە هاوپەیمانیی ئیدارەی دەوڵەت لە کاتی پێکهێنانی ئەم حکومەتەدا.

سەرۆکی یەکێتی دەشڵێت، “هەموو پشتگیری و هاوکارییەکانمان هەیە بۆ جێبەجێکردنی رۆڵی گرنگتان”.

ئەمەش لەدوای هەڵبژاردنی مەحمود مەشهەدانی هات لەمشەودا بە سەرۆکی نوێی ئەنجومەنی نوێنەرانی عێراق بە زۆرینەی دەنگی ئەندامانی ئەنجومەنەکە.