ئەندامێکی ئەنجومەنی نوێنەرانی عێراق وردەکاریی هەوڵی تیرۆرکردنی کەریم شکور ئاشکرادەکات و دەڵێت لەلایەن ژمارەیەک پێشمەرگەوە پیلانەکە پووچەڵکراوەتەوە.
کاروان یاروەیس، ئەندامی ئەنجومەنی نوێنەرانی عێراق رایگەیاند، “ئەمڕۆ دوو لەو کوردە ناپاکانەی کە بەنیازن هێز لەخورماتوو دروست بکەن، بە بیانووی دەعوەتکردنی مەڵبەند بۆ بۆنەی کردنەوەی نووسینگەکەیان چوونەتە مەڵبەند و لەوێ بەدەمانچە تەقەیان کردووە، بەڵام خۆشبەختانە لەلایەن پێشمەرگەکانی مەڵبەند پیلانەکەیان پووچەڵکراوەتەوە”.
ئاماژەی بەوەشکرد، ” کەریم شکور جێگری سەرۆکی فراکسیۆنی یەکێتی و لێپرسراوی مەڵبەندی حەمرین سەلامەتە”.
