دوو زانکۆی هەرێم ئاگاداری مامۆستایانی گرێبەست دەکەنەوە، سبەی هەینی سەردانی بانک بکەن بەمەبەستی ئەنجامدانی مامەڵەی بایۆمەتری.
زانکۆی گەرمیان لە راگەیەندراوێکدا ئاماژەی بەوەکردووە، ئاگاداری سەرجەم ئەو وانەبێژانە دەکەینەوە کە وەک مامۆستای گرێبەست لە زانکۆی گەرمیان دامەزراون، سبەینی هەینی سەردانی بانکی کەلار بکەنە بەمەبەستی تۆمارکردنیان لە سیستمی بایۆمەتری.
لەلایەکی دیکەشەوە، بەڕێوەبەرێتیی دارایی زانکۆی چەرموو، ئاگاداری سەرجەم ئەو مامۆستا و فەرمانبەرانە دەکاتەوە کە بە گرێبەست ناوەکانیان گەڕاوەتەوە، رۆژی هەینی رێکەوتی (2024/11/1) سەردانی بانکی چەمچەماڵ بکەن، بەمەبەستی ئەنجامدانی بایۆمەتری.
لە راگەیەندراوەکەی زانکۆدا ئاماژە بەوەکراوە، پێویستە مامۆستایان نوسراوی زانکۆ و کارتی نیشتمانی و کارتی زانیاری لەگەڵ خۆیان ببەن.
ئەوەش خراوەتەڕوو، سبەی بانکی چەمچەماڵ لە کاتژمێر 8:00ی بەیانی بۆ 5:00ی ئێوارە کراوە دەبێت.
