پۆلیسی سلێمانی دەستگیرکردنی دوو تۆمەتباری راگەیاند کە لە نزیک تونێلی دەربەندیخان سەرقاڵی دزینی پارچەی ئۆتۆمبێلی بارهەڵگر بوون.
بەڕێوەبەرایەتیی پۆلیسی سلێمانی بڵاویکردەوە، لەكاتی گەڕان و دەرچوونی مەفرەزەكانی بنكەی پۆلیسی هەوارەبەرزە، دوو تۆمەتبار دەستگیركران كە لەنزیک تونێلی دەربەندیخان سەرقاڵی لێكردنەوە و دزینی پارچەی ئۆتۆمبێلێكی بارهەڵگربوون.
ئاشکراشیکرد، لەكاتی دەستگیركردنی تۆمەتبارەکاندا دەستگیرا بەسەر بڕێك ماددەی هۆشبەر لەجۆری كریستاڵ و ئۆتۆمبێلێكدا كە بەتۆمەتباران بووە.
باسیلەوەشکرد، لەئێستادا هەریەك لەتۆمەتباران (ح، أ، ر ) و (ب، ش، م) بە بڕیاری دادوەر و راگیراون و لێكۆڵینەوە لەگەڵیان بەردەوامە.
