دوای هێرشەکانی سەر ئێران، بەهای تمەن بەرزبووەوە.
دوای ئەوەی بەرەبەیانی ئەمڕۆ هێرش کرایەسەر وڵاتی ئێران، بەیانیی ئەمڕۆ بەهای تمەنی ئێرانی بەرزبوونەوەیەكی كەمی بەخۆیەوە بینی بەجۆرێک بەهای 100 دۆلاری ئەمریکی بەرامبەرە بە شەش ملیۆن و 700 هەزار تمەنی ئێرانی.
ئەوەش لەكاتێكدایە رۆژی پێنجشەممە 100 دۆلار بە شەش ملیۆن و 860 هەزار تمەن مامەڵەی پێوەدەكرا.
لە ماوەکانی رابردوودا چەندین جار بەهای تمەن لە بەرامبەر دراوەکانی دیکە و بەتایبەت دۆلاری ئەمریکی دابەزینی تۆمارکرد.
