وتەبێژی كۆمسیۆنی باڵای سەربەخۆیی هەڵبژاردنەكان هۆكاری دەنگی پووچەڵ لە هەڵبژاردنی خولی شەشەمی پەرلەمانی كوردستان رادەگەیەنێت و ئاماژەو بەوەشدەكات، “رێژەی دەنگە پووچەڵەكان ئاسایین و لەڕێژەی یاسایی دەرنەچووە”.
جومانە غەلای وتەبێژی كۆمسیۆنی باڵای سەربەخۆی هەڵبژاردنەكانی عێراق رایگەیاندووە، لە ئێستادا كۆمسیۆن سەرقاڵی پۆڵێنكردنی سكاڵاكانە و بەپێی وردبینییەكان پێدەچێت زۆربەی سكاڵاكان زەرد و سەوزبن واتا سكاڵای سووری تێدا نییە كە لەلای كۆمسیۆن جێی بایەخە”.
دەشڵێت، “كۆمسیۆنی هەڵبژاردنەكان، لە رۆژانی داهاتوودا، بەر لە راگەیاندنی ئەنجامی كۆتایی پڕۆسەكە، كاندیدەكان بانگهێشتدەكات بۆ ئەوەی سەرجەم ئەو داتاو ئامارانە بخاتە بەردەستیان كەسكاڵایان لەسەر بووە، ئەمەش وەك وەڵامدانەوەیەكە بۆ ئەو لایەنانەی كە گومانیان لەپڕۆسەكە هەیە.
