بە گوێرەی قسەی قائیمقامی پێنجوێن بە وەکالەت، لە ئاکامی رووداوێکی هاتوچۆ لەسەر رێگەی پێنجوێن بەرەو سەیدسادق لە سنووری ناحیەی ناڵپارێز، سێ کەس گیانیان لەدەستداوە و سێ کەسی دیکەش برینداربوون.
رووداوەکە لەنێوان ئۆتۆمبێلێکی تایبەت و بارهەڵگرێک روویداوە و بریندارەکان رەوانەی نەخۆشخانەکانی پێنجوێن کراون و ئەو کەسانەی گیانیان لەدەستداوە لە نەخۆشخانەی شەهید شەوکەتن لە سەیدسادق و بریندارەکان گواستراونەتەوە بۆ پێنجوێن.
هێمن ئیبراهیم، قائیمقامی پێنجوێن بە وەکالەت بە تۆڕی میدیایی ئێستای راگەیاند، دایکێک و دوو کچ لە رووداوەکەدا گیانیان لەدەستداوە کە خەڵکی سەرسوراوی سەر بە ناحیەی گەرمکن و لە سلێمانی دادەنیشن.
