سەرۆکی لیژنەی پەروەردە و خوێندنی باڵا لە پەرلەمانی کوردستان ڕایگەیاند، سەرجەم ئەو خوێندکارانەی نمرەکانیان لە 99 بەرەو سەرەوەن، دابەشدەکرێن بەسەر کۆلێژە پزیشکییەکانی هەرێمی کوردستاندا.
عەبدولسەلام دۆڵەمەڕی، سەرۆکی لیژنەی پەروەردە و خوێندنی باڵا لە پەرلەمانی کوردستان ئاشکرایکرد، “لەئێستادا لەپەیوەندیداین و کۆبوونەوەکانمان بەردەوامن لەگەڵ وەزیری خوێندنی باڵا بۆ چارەسەری تەواوی گرفتەکانی بەردەم وەرگرتنی خوێندکاران لە زانکۆ و پەیمانگاکاندا”.
بەھۆی کەمی ژمارەی پلانەوە لە کۆلیژی پزیشکیی گشتی ناوی کۆمەڵێک خوێندکار کە زیاتر لە 99 یان هێنابوو نەهاتەوە و ئەو خوێندکارانە خۆپیشاندانیان ئەنجامدا.
