لە عێراق دابەشكردنی مووچەی مانگی 10ی خانەنشینانی عێراق دەستیپێكرد.
بانكی رافیدەین لە راگەیەندراوێكدا بڵاویكردووەتەوە كە دەستدەكات بە دابەشكردنی مووچەی خانەنشینانی عێراق و بۆ ئەو مەبەستە لە وەزارەتی دارایی عێراقەوە بانكەكان پارەداردەكرێن بە مەبەستی دابەشكردنی مووچەی مانگی 10ی خانەنشینانی عێراق.
ئەوەش لە كاتێكدایە كە تاوەكو ئێستا لە هەرێمی كوردستان مووچەی مانگی هەشت دابەشنەكراوە و چاوەڕوانی گەیشتنی 243 ملیار دینارەكەی عێراق دەكرێت كە كورتهێنانەكە پڕبكرێتەوە و مووچەی مووچەخۆرانی هەرێم دابەشبكرێت.
