لە کەرکوک ئۆتۆمبێلێک لەسەر پردێک کەوتەخوارەوە و بەهۆیەوە منداڵێک گیانیلەدەستدا و دوو کەسی دیکە برینداربوون.
پەیامنێرمان لەشاری کەرکوک پێیڕاگەیاندین، رووداوەکە درەنگانێکی شەوی رابردوو لە گەڕەکی خەزرای شاری کەرکوك نزیک پردی پێشانگاکانی ئۆتۆمبێل روویداوە، کاتێک ئۆتۆمبێلێکی جۆری کیای بارهەڵگر لەسەر پردەکە کەوتووەتەخوارەوە.
باسی لەوەش کرد، لە ئەنجامی رووداوەکە منداڵێک گیانیلەدەستدا و دوو کەسی دیکە برینداربوون، بریندارەکان دەستبەجێ رەوانەی نەخۆشخانە کراون.
