بە تۆمەتی راوکردنی باڵندەی کێوی لە سنووری عەربەت دوو هاوڵاتی دەستگیرکران.
بەڕێوەبەرایەتیی پۆلیسی دارستان و ژینگەی سلێمانی لە راگەیەندراوێکدا بڵاویکردەوە، لە ئەنجامی دەرچوونی مەفرەزەیەکیان بۆ چەمی بێستانسووری سنووری ناحیەی عەربەت توانییان دوو هاوڵاتی بە تۆمەتی راوکردن دەستگیربکەن.
باس لەوەش دەکات، ئەو کەسانە سەرقاڵی راوکردنی باڵندەی کێوی بوون، هاوکات دەستگیرا بەسەر ئۆتۆمبێلێک و چەکێکی جۆری بادی.
بەپێی راگەیەندراوەکە، پەڕاوی لێکۆڵینەوە رێکخراوە و بۆ گرتنەبەری رێکاری یاسایی رادەستی دادوەر کراوە.
