توێژینەوەیەکی نوێ دەریخستووە کە ئەو توێکڵی مۆزەی فڕێیدەدەین رەنگە کۆمەڵێک سوودی هەبێت کاتێک تێكەڵی خواردنەکانمانی دەکەین.
زاناکان ئامۆژگاریمان دەکەن کە توێکڵی مۆز فڕێنەدەین و بیخەینە ناو خۆراکەکانمانەوە وەکو پێکهاتەیەک لە ئارد بەکاریبهێنین.
توێژینەوەکە لەلایەن کۆمەڵێک زانای هیندستان و ئەمریکاوە ئەنجامدراوە، دەرکەوتووە کە ئاردی لە توێکڵی مۆز دروستکراو (بە وشککردنەوە و هاڕینی) دەتوانرێت بۆ دروستکردنی نان سوودی لێببینرێت، چونکە تامەکەی لە گەنم خۆشترە و سوودیشی هەیە.
توێژەران ئاماژە بەوە دەدەن، بە زیادکردنی توێکڵی مۆز بۆ خۆراکەکان، بڕێکی زۆر لە کانزاکان و ماددە خۆراکییەکانی دژە شێرپەنجە بەدەستدەهێندرێت.
دەشڵێن، بەڵام ئەو کولێرەیەی بە ئاردی توێکڵی مۆز دروستدەکرێت، قاوەیی و رەق دەردەچێت، ئەوەش لەوانەیە بەهۆی ئەو ریشاڵە زۆرەبێت کە تێیدایە، هەروەها کاتێک نان یان کێک و سەموون لە ئاردێک دروستبکرێت کە 7.5%ی توێکڵی مۆز بێت، جێگیرتر و سەرنجڕاکێشتر دەبن لەگەڵ ئەوەشدا دەتوانرێت بۆ ماوەی سێ مانگ لە پلەی گەرمیی ژووردا هەڵبگیرێن و بمێننەوە.
توێژینەوەکە دەریدەخات، ئاردی توێکڵی مۆز لە دروستکردنی پسکیت و مەعکەرۆنی و کێکیشدا رەنگە شایەنی بەکارهێنان بێت.
هەر بەپێی توێژینەوەکە، ئەگەر توێکڵی مۆز بەباشی ئامادەبکرێت تامێکی زۆر خۆشی هەیە هەروەها دەتوانێت تەمەنی هەندێک بەرهەم درێژبکاتەوە، چونکە تایبەتمەندیی دژە ئۆکسێنەر و دژە میکرۆبی هەیە.
