داهاتی نانەوتیی ئەم هەفتەیەی سلێمانی و هەڵەبجە و ئیدارە سەربەخۆكان بە نزیكەی 100% زیادیكردووە.
سایتی شەفافییەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی ئەم هەفتەیەی بڵاوکردەوە کە بڕەكەی 20 ملیار و 264 ملیۆن و 890 هەزار و 147 دینارە، ئەمەش ئەو بڕانە دەگرێتەوە كە تائێستا سەبارەت بە هەفتەكە لە سایتەكەدا تۆماركراون.
هەر بەپێی ئامارەكە داهاتی ئەم هەفتەیە بەراورد بە هەفتەی پێشتر بە رێژەی 99.4% و بە بڕی نزیكەی 10 ملیار دینار زیادیكردووە.
سایتەكە روونیكردووەتەوە، داهاتی هەفتەی رابردوو زیاتر لە 10 ملیار دینار بووە.
رۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لە سایتی شەفافییەتەوە بزانیت.
