جێگری سەرۆكی فراكسیۆنی یەكێتی لە پەرلەمانی كوردستان رایدەگەیەنێت، سبەینێ یەكێتی و پارتی لەسەر پرسی هەڵبژاردنەكان لە تەلاری پەرلەمان كۆدەبنەوە.
لوقمان وەردی جێگری سەرۆكی فراكسیۆنی یەكێتی لە پەرلەمانی كوردستان لە لێدوانێكدا بە تۆڕی میدیایی ئێستای راگەیاند، بڕیارە سبەینێ هەینی، هەردوو دەزگای هەڵبژاردنی یەكێتی و پارتی لەسەر بابەتی هەڵبژاردنەكان بە ئامادەبوونی سەرۆكی فراكسیۆنەكانی یەكێتی و پارتی لە پەرلەمان كۆببنەوە.
وتیشی، ” بڕیارە لە كۆبوونەوەكەدا سەرۆكی پەرلەمان و جێگرەكەی ئامادەی كۆبوونەوەكەبن و باس لە شێوازی بەڕێوەچوونی هەڵبژاردنەكانی هەرێمی كوردستان دەكەن”.
