کەمێک پێش ئێستا بەهای 100 دۆلاری ئەمریکی بەرزبووەوە بۆ 151 هەزار دینار و ئەوەش بەرزترین بەهای دۆلارە لەماوەی چەند مانگی رابردوودا.
بانکی ناوەندیی عێراق بۆ ئەمڕۆ 25ی ئەیلول، بڕی 253 ملیۆن و 480 هەزار و 742 دۆلاری خستووەتە بازاڕەکانەوە.
لەو بڕەش، 245 ملیۆن و 930 هەزار و 742 دۆلاری بەشێوەی حەواڵاتی دەرەکی بووە و بڕی 7 ملیۆن و 550 هەزاری بەشێوەی کاش بووە.
بەرزبوونەوەی بەهای دۆلاری ئەمریکی کاریگەری بەرچاوی لەسەر بازاڕەکانی هەرێمی کوردستان دەبێت، بەهۆی ئەوەی هاوردەکردنی کاڵا و شتومەک لە دەرەوەی وڵاتەوە بە دۆلارە.
