وتەبێژی حکومەتی هەرێم رایگەیاند، تیمێکی تەکنیکی وەزارەتی دارایی هەرێم لە بەغدادن و لیستی مووچەی مانگەکانی ئاب و ئەیلولیان رادەستکرد.
پێشەوا هەورامانی، وتەبێژی حکومەتی هەرێم لە لێدوانێکی رۆژنامەوانیدا رایگەیاند، تیمی تەکنیکی وەزارەتی دارایی هەرێم لە بەغداد-ن و لیستی مووچەی مانگەکانی ئاب و ئەیلول رادەستی بەغداد دەکەن.
باسی لەوەش کرد، تیمەکە کۆبوونەوەکانیان دەستپێکردووە و وەڵامی هەموو پرسیارەکانی وەزارەتی دارایی حکومەتی عێراق دەدەنەوە.
بەپێی وتەی پێشەوا هەورامانی، ئەو تیمەی وەزارەتی دارایی هەرێم، دوایین ئەبدەیتی بایۆمەترییشیان بردووە و بەدواداچوون بۆ کورتهێنانی پارەی مووچەی مانگی ئاب دەکەن.
