جێگری سەرۆك وەزیرانی هەرێم رایدەگەیەنێت، لە سێ ساڵی رابردوودا پارێزگای سلێمانی لەڕووی وەبەرهێنانەوە لەسەر ئاستی عێراق یەكەم بووە.
قوباد تاڵەبانی، جێگری سەرۆك وەزیرانی هەرێم رایگەیاند، بەپێی ئامارەكان لە سێ ساڵی رابردوودا پارێزگای سلێمانی لەڕووی وەبەرهێنانەوە لەسەر ئاستی عێراقدا یەكەم بووە و لە دوای ساڵی 2003 وە زۆرترین وەبەرهێنان هەر لەو سێ ساڵەدا بووە.
دەشڵێت، “خەونی گەورە و پلانی تۆكمەترمان هەیە بۆ پتەوتركردنی ژێرخانی ئابوری و بە هەموو هێز و توانامانەوە بەردەوامدەبین لە پشتگیریكردنی وەبەرهێنەران و بە توندی رووبەڕووی هەر كەس و لایەنێك دەبینەوە كە كۆسپ و ئاستەنگیان بۆ دروستبكات”.
