ڕووداوێكی هاتوچۆ لەنێوان دەربەندیخان و كەلاردا ڕوویدا و دوو كەس گیانیانلەدەستدا

بەهۆی ڕووداوێكی هاتوچۆوە لەسەر ڕێگای كەلار – دەربەندیخان ئێوارەی ئەمڕۆ هەینی دوو كەس گیانیانلەدەستدا.

ئارام ئیحسان بەڕێوەبەری نەخۆشخانەی شەهید مەلا ئەحمەد كەلاری لە ناحیەی پێباز بە تۆڕی میدیایی ئێستای ڕاگەیاند، ڕووداوەكە بەهۆی لادانی ئۆتۆمبێلەكە لە ڕێگای گشتی و كەوتنەخوارەوەی بۆ دۆڵێك ڕوویداوە و دوو كەس مردوون.

كەمێك لەمەوبەر ڕاگەیاندنی هاتوچۆی گەرمیان ڕاگەیەندراوێكی لەبارەی ڕووداوەكەوە بڵاوكردەوە و ئاشكرایكرد، ڕووداوەكە وەرگەڕان بووە و لە نزیك گوندی ( ئاوە خێری) لەسەر ڕێگای کەلار – دەربەندیخان ڕوویداوە.

ڕاشیگەیاند، لە ڕووداوەکەدا ئۆتۆمبێلێک لە جۆری (مارسیدس تایبەت) وەرگەڕا و لە ئەنجامدا شۆفێر و سەرنشینێکی ئۆتۆمبێلەکە گیانیانلەدەستدا. لەلایەن تیمەکانی هاتوچۆوە لێکۆڵینەوە لە ڕووداوەکە دەستیپێکردووە بەمەبەستی زانینی هۆکاری ڕووداوەکە.

بابەتی پێشتر

بایدن ته‌نها 250 ملیۆن دۆلاری بەدەستەوە ماوه‌ بۆ یارمەتیدانی ئۆكرانیا

بابەتی دواتر

كەنەدا ئەو كەسانە سزادەدات كە لەسەر مانگ یان لە بۆشایی ئاسماندا تاواندەكەن

بابەتی پەیوەندیدار
زیاتر ببینە

بەهای دۆلار بەرزبووەوە

ئێوارەی ئەمڕۆ لە كاتی داخستنی بازاڕی ئاڵوگۆڕی دراو، بەهای دۆلار بەرامبەر بە دینار بەرزبووەوە و 100 دۆلار بە…
Total
0
Share