کەمێک لەمەوبەر دیوانی ئەنجومەنی وەزیرانی هەرێم واژووی لەسەر بە گرێبەستکردنی ناوی 38 هەزار مامۆستای وانەبێژدا.
کاروخ عەبدوڵا نوێنەری گشتیی مامۆستایانی گرێبەست بە تۆڕی میدیایی ئێستای راگەیاند، کەمێک لەمەوبەر له دیوانی ئەنجومەنی وەزیران واژوو لەسەر ناو و لیستی 38 هەزار مامۆستای وانەبێژ کرا کە بوونە گرێبەست.
ئاشکراشیکرد، لە 1 ی 9 ی 2024 یەکەم مووچەی مامۆستایانی گرێبەست لەمانگی 9 دەبێت واتا لە مانگی 9 مامۆستایان مووچەکانیان بەشێوەی گرێبەست وەردەگرن کە لەنێوان 400 بۆ 500 هەزارە.
لای خۆیەوە ئالان حەمەسەعید وەزیری پەروەردەی هەرێم وێڕای پشتڕاستکردنەوەی هەواڵەکە ئاشکرایکرد، ئومێد سەباح سەرۆکی دیوانی ئەنجومەنی وەزیران بە نوسراوی رەسمی لیستی ناوی مامۆستایانی گرێبەستی وەزارەتی پەروەردەی بۆ وەزارەتی دارایی و ئابووری نارد بە مەبەستی تەواوکردنی رێککارەکان.
