غەریب ئەحمەد، ئەندامی ئەنجومەنی نوێنەرانی عێراق رایدەگەیەنێت، ئاڵۆزی لە لیستی مووچەی نێردراو بۆ بەغداد و تەوتین هۆکاری نەناردنی مووچەیە نەک نەبوونی پارەی نەختینە.
لەبارەی هۆکاری نەناردنی مووچەوە غەریب ئەحمەد، ئەندامی ئەنجومەنی نوێنەرانی عێراق ئاماژەی بەوە کرد، ”سەبارەت بە نەناردنی مووچەی هەرێم لە بەغدادەوە، دوای بەدواداچوون و پەیوندیكردنمان لەگەڵ عەلی عەلاق، پارێزگاری بانکی ناوەندیی عێراق ئەوەی خستەڕوو، بەهیچ شێوەیەك لە بانكی ناوەندی كێشەی پارەی نەختینەمان نییە”.
ئەو ئەندامەی ئەنجومەن دەشڵێت، ”ئاڵۆزی لە لیستی مووچەی نێردراو بۆ بەغداد و تەوتین و چەند پرسێكی دیکە، هۆكاری دروستكردنی کێشەیە بۆ ناردنی مووچە لەكاتی خۆیدا لەلایەن عێراقەوە”.
