وەزارەتی خوێندنی باڵای عێراق دەستپێکردنی ساڵی نوێی خوێندنی لە زانکۆ و پەیمانگاکان راگەیاند کە پێشوازی لە زیاتر لە یەک ملیۆن و 300 هەزار خوێندکار دەکات.
لە راگەیەندراوێکدا وەزارەتی خوێندنی باڵا و توێژینەوەی زانستیی عێراق ئاماژەی بەوە کرد، ”لە ئەمڕۆوە ساڵی خوێندنی 2024-2025 لە زانکۆ و پەیمانگا و بەش و لقەکانی عێراق دەست پێدەکات و پێشوازی لە یەک ملیۆن و 332 هەزار و 216 خوێندکار دەکرێت لە سەرجەم بوارەکاندا”.
لەو بارەیەوە نەعیم عەبودی، وەزیری خوێندنی باڵای عێراق ئەوەی خستەڕوو، ”ساڵی نوێی خوێندن هاوکاتە لەگەڵ گۆڕانکاریی هەمەلایەنەی ئەلیکترۆنیی وەزارەتەکەمان لە بەڕێوەبردنی کاری دامودەزگاکان”.
