بۆ ماوەی دوو رۆژ لە کاتژمێر7ی بەیانی بۆ 4ی ئێوارە لە سنووری قەزای کەلار کارەبا دەکوژێندرێتەوە.
بەڕێوەبەرایەتیی گشتیی کارەبای گەرمیان، لە راگەیەندراوێکدا بڵاویکردەوە، ئاگاداری هاوڵاتییانی سنووری قەزای کەلار دەکەینەوە، بەهۆی بەستنەوەی وێستگەی (132kv) کەلار 2 بە هێڵی نیشتمانییەوە، رۆژانی شەممە و یەکشەممە، 14 و 15ی ئەیلول، کارەبای نیشتمانی هەردوو فیدەری (25) بەردەوام کە پاڵاوگەی ئاوی کەلار و زانکۆی گەرمیانی لەسەرە و فیدەری (26) دێهاتی باوەنور دەکوژێندرێتەوە.
باس لەوەش دەکات، هاوڵاتییانی سنووری کەلار لە ماوەی ئەو دوو رۆژەدا و لە کاتژمێر 7ی بەیانی تاوەکو 4ی ئێوارە، کارەبایان نابێت.
