وردبینی لە لیستی مامۆستایانی وانەبێژ تەواوکراو رەوانەی ئەنجومەنی وەزیران دەکرێت.
عەلی رەئوف، نوێنەری گشتیی مامۆستایانی وانەبێژ بە تۆڕی میدیایی ئێستای راگەیاند، شەوی رابردوو وردبینیکردنی لیستی مامۆستایانی وانەبێژ لەلایەن وەزارەتی پەروەردەوە کۆتاییهات.
باسی لەوەش کرد، رۆژی دووشەممە 16 ی ئەم مانگە لیستەکە دەنێردێتە ئەنجومەنی وەزیرانی هەرێم و رێکارەکانی بەگرێبەستکردنی مامۆستایانی وانەبێژ دەستپێدەکەن.
رۆژی 25ی ئابی 2024 بڕیاردرا سەرجەم مامۆستایانی وانەبێژ کە ژمارەیان نزیکەی 38 هەزار کەسە بکرێن بە گرێبەست و لە داهاتی ناوخۆی هەرێم مووچەکانیان خەرجبکرێت.
