داهاتی نانەوتیی ئەم هەفتەیەی سلێمانی و هەڵەبجە و ئیدارە سەربەخۆكان نزیكەی 9 ملیار دینار بووە.
سایتی شەفافییەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی ئەم هەفتەیەی بڵاوکردەوە کە بڕەكەی هەشت ملیار و 730 ملیۆن و شەش هەزار و 100 دینارە، ئەمەش ئەو بڕانە دەگرێتەوە كە تائێستا سەبارەت بە هەفتەكە لە سایتەكەدا تۆماركراون.
هەر بەپێی ئامارەكە داهاتی ئەم هەفتەیە بەراورد بە هەفتەی پێشتر بە رێژەی نزیكەی 43% و بە بڕی نزیكەی 6 ملیار دینار كەمیكردووە.
سایتەكە روونیكردووەتەوە، داهاتی هەفتەی رابردوو زیاتر لە 15.5 ملیار دینار بووە.
رۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لە سایتی شەفافییەتەوە بزانیت.
