بەهۆی وەرگەڕانی ئۆتۆمبێلێک لە سنووری چەمی رێزان، دوو منداڵ گیانیان لەدەستدا و چوار کەس برینداربوون.
بەکر عەبدولکەریم، بەڕێوەبەری ناحیەی پیرەمەگرون، بە تۆڕی میدیایی ئێستای راگەیاند، لە سنووری چەمی رێزان ئۆتۆمبێلێکی جۆری مۆنیکا وەرگەڕا و بەهۆیەوە دوو منداڵ گیانیان لەدەستدا و چوار کەسی دیکە برینداربوون، کە سەرجەم قوربانییەکان خزمی یەکترن.
لەبارەی قوربانییەکانی رووداوەکەوە، بەڕێوەبەری ناحیەی پیرەمەگرون، رایگەیاند، دوو منداڵەکە کوڕ و کچێکی پێنج ساڵان و 10 ساڵانن برازای شۆفێرەکەن، تەرمەکانیان گەیەندراونەتە پزیشکی دادی سلێمانی.
وتیشی، دۆخی بریندارەکان تاڕادەیەک جێگیرە و لە نەخۆشخانە چارەسەر وەردەگرن.
