ڕوونكردنەوەیەك لە فەرمانگەی ئاوی سلێمانییەوە

فەرمانگەی ئاوی سلێمانی ڕوونكردنەوەیەك بڵاودەكاتەوە و ئاشكرایدەكات بۆری نەشكاوە، بەڵكو شۆردنی بۆری 600 ملیمەترییەكەی تايبەت پڕۆژە نوێیەكەی جایكای ژاپۆنییە و خاوێندەكرێتەوە.

بەپێی ڕاگەیەندراوێكی فەرمانگەی ئاوی سلێمانی تێیدا هاتووە، بەڕێزێك وێنەیەكی بڵاوكردووەتەوە و بەتەنزاوە دەڵێت “ئایا تاڤگە نوێیەكەی سلێمانیتان بینیوە كە دوو ڕۆژە ئاوی خواردنەوەی دوكان كە بەبۆرییە نوێیەكە ڕاكێشراوە بۆ سلێمانی لەم قەیرانی ووشكەساڵی و بێئاوییەدا ئاوا بەفیڕۆ دەچێت”.

ئەو كەسە نووسیویەتی” دوو ڕۆژی دیكە بەردەوامبێت دوو خواردنگەی میللی لەسەر ستایلی باوەلی و دوو ماسی مەسگوفیشی تیا دەكەنەوە”؟

فەرمانگەی ئاوی سلێمانی ڕایگەیاند، “ئەو بەڕێزە دڵنیادەكەینەوە كە زۆر بێئاگایە و ئەو بۆریيە نەتەقیوە نە هیج، بەڵكو شۆردنی بۆری 600 ملیمەتری پڕۆژە نوێیەكەی جایكایە كە خاوێندەكرێتەوە بۆ ئامادەبوون و بەكارهێنانی پڕۆژەكە لەسەرەتای مانگی تەمموزی ئەمساڵ و دەشڵێت، خۆزگە كاتێك بابەتێك بڵاودەكرێتەوە تۆزێك بەرپرسیارانە بگەڕێن بۆ زانیاری دروست”.

بابەتی پێشتر

نەوت و كانزاكانی سلێمانی: ڕەنگە دابەشكردنی بەنزین دوابكەوێت و لەشەویشدا بێت هەر بە شۆفێران دەدرێت

بابەتی دواتر

لە سلێمانی دابەشكردنی بەنزینە 800 دینارییەكە دەستیپێكرد

بابەتی پەیوەندیدار
زیاتر ببینە

بومەلەرزەیەك دهۆك و شەنگالی هەژاند

بەرەبەیانی ئەمڕۆ بومەلەرزەیەك دهۆك و شەنگال و ناوچەكانی دەوروبەریانی هەژاند، هاوڵاتییان هەستیانپێكردووە. ناوەندی تۆماری بومەلەرزەی عێراقی ڕایگەیاند، بومەلەرزەكە…
Total
0
Share