وەفدێكی باڵای حكومەتی عێراق گەیشتە هەولێر و بڕیارە چەند كۆبوونەوەیەگی گرنگ لەبارەی پرسی مووچە، بودجە و نەوت ئەنجامبدرێت و كێشە هەڵپەسێردراوەكانی نێوان هەرێم و بەغداد تاوتوێدەكرێن.
بەپێی زانیارییەكان، كەمێك پێش ئێستا وەفدی ئەنجومەنی وەزاریی عێراق بۆ كاروباری ئابوری گەیشتە هەولێر و بڕیارە سبەی كۆبوونەوەكانی هەردوو ئەنجومەنی وەزاریی عێراق بۆ كاروباری ئابوری و ئەنجومەنی ئابوریی هەرێمی كوردستان دەستپێدەكات.
بڕیارە لە كۆبوونەوەكاندا گفتوگۆ لەبارەی چارەسەركردنی كێشە هەڵپەسێردراوەكانی نێوان هەردوولا بەپێی دەستوور بكرێن.
