دوای راگرتنی هاتوچۆی ئۆتۆمبێل و پاسی گەشتیاری لە دەروازەی نێودەوڵەتی حاجی ئۆمەران بۆ ماوەی 15 رۆژ، لە بەیانی ئەمڕۆوە هاتوچۆ لە دەروازە سنوورییەکە ئاسایی بووەتەوە.
بەرێوەبەرایەتیی گومرگی حاجی ئۆمەران بڵاویکردەوە، ئاگاداری گشت گەشتیارانی هاوڵاتیی هەرێمی کوردستان و ئێران دەکەنەوە کە لە بەیانی ئەمڕۆ 26ی ئابەوە، گەشتکردن بە سنووری دەروازەکەیان بە ئۆتۆمبێلی تایبەتی ئاسایی بووەتەوە بە هەمان شێوە و رێنمایی جاران بۆ دەرەوەی هەرێم و ناوەوەی هەرێم.
رۆژی 10ی ئەم مانگە، دەروازەی نێودەوڵەتیی حاجی ئۆمەران بڵاویکردەوە، بۆ ماوەی 15 رۆژ هاتن و چوون بە پاسی گەشتیاری و ئۆتۆمبێلی تایبەت رادەگیرێت بەهۆی هاتنی زیارەتکارانی ئێرانی بەمەبەستی بەشداریکردن لە مەڕاسیمی چلەی ئیمام حسێن و گرتنەبەری رێکارەکان.
