لەسەر سكاڵای دوكاندارێك دوو تۆمەتبار لەلایەن هێزەكانی پۆلیسی سلێمانییەوە دەستگیركران.
بەڕێوەبەرایەتیی پۆلیسی پارێزگای سلێمانی رایگەیاند، دوای ئه‌وه‌ی هاوڵاتییه‌ك سكاڵای یاسایی تۆماركرد كه دزی له دوكانه‌كه‌ی كراوه و بڕێك پاره‌ی لێ دزراوه، ده‌ستبه‌جێ هێزه‌كانی پۆلیس لێكۆڵینه‌وه‌كانیان بۆ دۆزینه‌وه و ده‌ستگیركردنی تۆمه‌تبار ده‌ستپێكرد.
دەشڵێت، دوای گه‌یشتنه ئه‌نجامی لێكۆڵینه‌وه‌كان و وه‌رگرتنی بڕیاری دادوه‌ر، توانرا دوو تۆمه‌تبار له‌لایه‌ن مەفرەزەكانی نوسینگەی رۆژهه‌ڵاتی به‌شی پۆلیسی نەهێشتنی تاوانه‌وه بدۆزرێنەوە و ده‌ستگیربكرێن. هه‌روه‌ها ده‌ستیشگیرا به‌سه‌ر پاره دزراوه‌كه‌دا.
له ئێستادا تۆمه‌تباران (هـ.ك.ح. له‌دایكبووی 1998 – ك.م.م. له‌دایكبووی 1999) به بڕیاری دادوه‌ر و به‌پێی مادده‌ی 443 له یاسای سزادانی عێراقی راگیراون و لێكۆڵینه‌وه‌كان به‌رده‌وامه، وەك ئەوەی پۆلیسی سلێمانی ئاماژەی پێداوە.
