بەڕێوەبەرایەتیی شارەوانیی کەرکوک دەستی بە گەورەترین هەڵمەتی پاککردنەوەی شارەکە کرد بە بەشداری 400 کرێکاری ژینگەپارێز و 180 ئامێر و ئۆتۆمبێلی تایبەتمەند بە کارەکە.
دوای رێنماییەکەی رێبوار تەها، پارێزگاری نوێی کەرکوک بۆ خاوێنکردنەوەی شارەکە لەماوەی 15 رۆژدا، شارەوانیی کەرکوک دەستی بە هەڵمەتێکی گشتگیرکرد.
ئەمڕۆ چوارشەممە، کارکردنی چڕ و پڕی تیمەکانی شارەوانی لە کەرکوک بەدیکراون و شارەکە بەسەر شەش زۆندا دابەشکراوە و ژینگەپارێزەکان و ئامێرەکان بەسەریاندا دابەشکراون تاوەکو خاوێن بکرێنەوە.
سەرۆکایەتیی شارەوانیی کەرکوک داوا لە هاوڵاتیان دەکات “پاشماوە لە شوێنە دیاریکراوەکان فڕێبدەن و هاوکاربن بۆ پاراستنی ژینگە.
ئەمە لە کاتێکدایە، لەدوای دەستبەکاربوونی پارێزگاری نوێی شارەکە، رێنمایی شارەوانیی کەرکوکی کرد، ئەگەر لەماوەی دوو هەفتەدا شارەکە بە تەواوی پاکنەکەنەوە، ئەوا گرێبەستەکانیان هەڵدەوەشێتەوە.
