بەڕێوەبەری هەرێمایەتیی رێکخراوی تەندروستیی جیهانی رایگەیاند، ئاوڵەی مەیمون کۆڤیدی نوێ نییە و دەتوانن بەرەنگاری ببنەوە.
هانز کۆلۆگە، بەڕێوەبەری هەرێمایەتیی رێکخراوی تەندروستیی جیهانی لە کۆنگرەیەکی رۆژنامەوانیدا رایگەیاند، ئاوڵەی مەیمون کۆڤیدی نوێ نییە، چ گۆڕاوی یەکەمی کە ئێستا لە ناوەڕاست و رۆژهەڵاتی ئەفریقا بڵاوبووەتەوە، چ گۆڕاوی دووەمی کە لە ساڵی 2022 بڵاوبووەوە.
ئاماژەی بەوەشکرد، ئێمە دەزانین چۆن دەکرێت بەرەنگاریی ئاوڵەی مەیمون ببینەوە.
لە هاوینی ئەمساڵەوە ژمارەی تووشبووان بە پەتای ئاوڵەی مەیمون لە وڵاتانی کینیا و روەندا و ئۆگەندا بەرزبووەوە بەو هۆیەوە تەندروستیی جیهانیی باری لەناکاوی جیهانیی راگەیاند.
