پارێزگاری سلێمانی رایدەگەیەنێت، هیچ پاڵاوگەیەكی نایاسایی لە سلێمانیدا نییە و پاڵاوگەیەكمان هەیە كە بەنزین بە ئۆكتانی بەرز بەرهەمدەهێنێت و كاردەكات بە شێوەی رەسمی.
د. هەڤاڵ ئەبوبەكر، پارێزگاری سلێمانی لە لێدوانێكی رۆژنامەوانیدا رایگەیاند، هیچ پاڵاوگەیەكی نایاسایی لە سلێمانی نییە و پاڵاوگەیەكمان هەیە كە بەنزینی سەوز بەكوالێتیی بەرز بەرهەمدەهێنێت و بەشێوەی رەسمی كاردەكات و لە ژێر چاودێریی فەرمانگەی ژینگەی كوردستاندا.
وتیشی، “ئەو دیاردەیەی لە شارەكانی دیكە هەن سەبارەت بە دووكەڵی مۆلیدەكان و دەنگیان هەیە، لە سلێمانی چەندین ساڵە نەماوە و ئەگەر شتێك لە شوێنێكی دیكە هەیە پێویست ناكات دابەشبكرێت بەسەر تەواوی هەرێمی كوردستاندا”.
