هاتوچۆی هەولێر شۆفێران لە نۆژەنکردنەوەی رێگایەک ئاگاداردەکاتەوە.
بەڕێوەبەرایەتیی هاتوچۆی هەولێر لە راگەیەندراوێکدا بڵاویکردەوە، ئاگاداری شۆفێران دەکەینەوە رێگای هەولێر-خەبات بەدرێژایی پێنج کیلۆمەتر نۆژەندەکرێتەوە بە دووقۆناغ، سەرەتای کارکردنی قۆناغی یەکەم لە سایدی خەبات هەولێر نزیک کۆمپانیای رێگا دەستپێدەکات تاوەکو بەرامبەر گومرگی سەوزە و میوە بەدرێژایی دوو کیلۆمەتر و نیو.
دەشڵێت، دوای تەواوبوونی ئەم قۆناغە، قۆناغی دووەم دەستپێدەکات لە سایدی هەولێر بەرەو خەبات لە گومرگی سەوزە و میوە تاوەکو بەرامبەر کۆمپانیای رێگا.
هاتوچۆی هەولێر دەڵێت، “ماوەی پڕۆژەکە پێنج مانگە، داوا لە شۆفێران دەکەین ئارامبگرن تا پڕۆژەی نۆژەنکردنەوە و دووبارە قیرتاوکردنەکە کۆتایی پێدێت”.
