شاندێكی حكومەتی هەرێم بە مەبەستی گفتوگۆكردن لەسەر پرسی (نەوت، مووچە و بودجە) گەیشتە بەغداد و بڕیارە لەگەڵ حكومەتی عێراق زنجیرەیەك دیدارو كۆبوونەوە ئەنجامبدەن.
فەرمانگەی میدیا و زانیاریی حكومەتی هەرێم بڵاویكردووەتەوە، كەمێك پێش ئێستا شاندی دانوستانكاری حكومەتی هەرێم بۆ پرسی نەوت، مووچە و بودجە گەیشتنە بەغداد و ئامانجی سەردانەكەش بەردەوامیدانە بە گفتوگۆكانی نێوان حكومەتی هەرێم و حكومەتی فیدراڵ.
لە دوا كۆبوونەوەی ئەنجومەنی وەزیرانی هەرێمدا بڕیاردرا جارێكی دیكە شاندی حكومەتی هەرێم سەردانی بەغداد بكاتەوە.
