مستەفا کازمی سەرۆک وەزیرانی عێراق و فەرماندەی گشتیی هێزە چەکدارەکان بە ڕەوتی بەرێوەچوونی دەنگدانی تایبەت دڵخۆشە، دەڵێت، “پاڵەوانەکانمان لە هێزە ئەمنی و سەربازییەکان بە بەرپرسیارێتی و پابەندبوونەوە بەشدارییان لە دەنگدانی تایبەتدا کرد”.
دوای كۆتاییهاتنی دەنگدانی تایبەت، لە تویتێکدا مستەفا کازمی سەرۆک وەزیرانی عێراق نووسیویەتی، “قارەمانەکانی هێزە ئەمنییەکان بە ڕێکوپێکی و پابەندییەوە ئەمڕۆ دەنگی خۆیان دا، سەرجەم ڕێوشوێنەکانیش بۆ مسۆگەرکردنی بێگەردی و دادگەریی پرۆسەکە سەرکەوتوو بوون”.
کازمی دەڵێت، “هەنگاوێکی سەرکەوتوو بوو بە ئاراستەی بەشداریکردنی فراوان لە دەنگدانی گشتی بۆ تەواوکردنی ئەرکی نیشتمانیی بەدیهێنانی گۆڕانکاری”.
أكمل أبطالنا في القوات الأمنية والعسكرية الإدلاء بأصواتهم في التصويت الخاص، بالتزام وانتظام ومسؤولية، كما كانت كل الإجراءات ناجحة في تأمين نزاهة وعدالة التصويت الخاص.
خطوة اولى ناجحة باتجاه مشاركة واسعة لشعبنا في التصويت العام، لاستكمال الواجب الوطني وصنع التغيير.— Mustafa Al-Kadhimi مصطفى الكاظمي (@MAKadhimi) October 8, 2021
