شەپۆلێكی خۆڵبارین بەغدادی پایتەختی عێراق گرتەوە و ئاستی بینین كەمبووەتەوە.
میدیاكانی عێراق لە زاری دەستەی كەشناسيی عێراقەوە بڵاویانكردووەتەوە، ئەمڕۆ سێشەممە شەپۆلێكی خۆڵبارین بەغدادی پایتەختی گرتووەتەوە و پێشبینیدەكرێت ناوەڕاست و باشووری وڵات بگرێتەوە بۆ ماوەی سێ ڕۆژ شەپۆلەكە كاریگەری هەبێت.
ئاماژە بەوە كراوە، شەپۆلی خۆڵبارینەكە ئاستی بینینی لە بەغداد كەمكردووەتەوە.
هاوكات پسپۆرانی بواری ژینگەیی ڕایانگەیاندووە، بەردەواميی شەپۆلی خۆڵبارین كە ڕووی لە عێراق كردووە بەهۆی گۆڕانكاریی كەشوهەوا كەمبوونەوەی ڕێژەی بارانبارینەوەیە.
