زانایانی ئوسترالی ئاشكرایانكرد كە كەمی مەگنسیۆم لە سیستمی خۆراكیدا، نەك تەنها دەبێتەهۆی زیادبوونی مەترسیی نەخۆشیی شەكرە و پارکینسۆن و زەهایمەر، بەڵكو پیربوونی جەستەش خێرا دەكات.
گۆڤاری “European Journal of Nutrition”یش ئاماژەدەدات، شیكاریی خوێن كە لە 172 خۆبەخش لە ناوەندی تەمەندا وەرگیراوە، دەریدەخات كە كەمی مەگنسیۆم لە جەستەدا دەبێتەهۆی بەرزبوونەوەی ئاستی هۆمۆسیستین (ترشی ئەمینی) كە زیان بە جینەكان دەگەیەنێت و ترشی دی ئێن ئەی تێكدەشكێنێت، هاندەریش دەبێت بۆ زیادبوونی ژمارەیەك نەخۆشیی مەترسیدار لەنێویشیاندا شێرپەنجە و نەخۆشیی پارکینسۆن.
مەگنسیۆم توخمێكی بنەڕەتییە لە جەستەدا، ددان بەهێز دەكات و یارمەتیدەرە لە ئاساییكردنی كاری ماسولكەكان و لەنێویشیاندا ماسولكەی دڵ، هەروەك ئاستی شەكر لە خوێندا رێكدەخات.
سەرچاوەی سەرەكیی مەگنسیۆم دانەوێڵەی تەواو، شوكولاتەی تۆخ، چەرەسەكان و سەوزە گەڵادارەكانە.
