بەڕێوەبەرایەتیی پاسپۆرتی سلێمانی بڵاویکردەوە، هاوڵاتییانی سنووری راپەڕین و پشدەر و قەڵادزێ بۆ راییکردنی مامەڵەکانیان تەنها لە چەند حاڵەتێکدا دەتوانن سەردانی بەڕێوەبەرایەتییەکە بکەن.
بەڕێوەبەرایەتیی پاسپۆرتی سلێمانی بڵاویکردەوە، ئەو هاوڵاتییانەی سنووری راپەڕین و پشدەر و قەڵادزێ کە باری تەندروستیان ناجێگیرە و لە نەخۆشخانە داخڵکراون، یان ئەو نەخۆشانەی نوسراوی رەسمی بە زمانی عەرەبی دەهێنن لە بەشی کارگێری نەخۆشخانەکان و جۆری نەخۆشییەکەیان مەترسیدارە و پێویستیان بە چارەسەرە لە دەرەوەی ووڵات، دەتوانن سەردانی بەڕێوەبەرایەتییەکەمان بکەن.
ئاشکراشیکرد، برینداری راژەی سەربازی، هاوڵاتییانی نیشتەجێبووی دەرەوەی عێراق و کوردستان کە هەڵگری پاسپۆرتی بیانین، خاوەن پێداویستی تایبەت کە وێنەیان بگیرێت و سکان بکرێت بڕیارەکە دەیانگرێتەوە.
