ئەندامێكی لیژنەی دارایی لە ئەنجومەنی نوێنەرانی عێراق رایدەگەیەنێت، بەپێی بڕیاری دادگای فیدراڵیی عێراق دەبێت مووچەی خانەنشینان هاوتابكرێت و دەشڵێت، “پێویستە بابەتی سندووقی خانەنشینی لە هەرێم یەكلابكرێتەوە و ئەو پرسە لەگەڵ وەزیری دارایی عێراق تاوتوێدەكەین”.
د. جەمال كۆچەر، ئەندامی لیژنەی دارایی لە ئەنجومەنی نوێنەرانی عێراق لە دیدارێكی تەلەفزیۆنیدا رایگەیاند، سبەی لەگەڵ وەزیری دارایی عێراق كۆدەبینەوە و بابەتی هاوتاكردنی مووچەی خانەنشینان لەگەڵ وەزیری دارایی تاوتوێدەكەین و بۆ هاوتاكردنی مووچەكانیان، بڕیاری دادگای فیدراڵیی عێراق هەیە كە دەبێت مووچەی خانەنشینان هاوتابكرێت.
راشیگەیاند، “لە هەرێم بڕە پارەیەك بڕدراوە، بەڵام نەخراوەتە سندووقی خانەنشینانەوە و ناكرێت ئەو بڕە پارەیە دەبڕدرێت، بەڵام لێبڕینەكە نەخرێتە سندووقی خانەنشینییەوە و پێویستە پێشوەختە ئەو بابەتە لە لایەن هەرێمی كوردستانەوە یەكلابكرێتەوە، چونكە هیچ بیانوویەك بۆ دەستكاریكردنی ئەو بڕە پارەیە نییە”.
