پۆلیسی سۆران دەستگیرکردنی دوو ژنی بە تۆمەتی دزیکردن راگەیاند.
بەڕێوبەرایەتیی پۆلیسی سۆران لە راگەیەندراوێکدا بڵاویکردەوە، دوای ئەوەی ئاگادارکرانەوە لە تاوانێکی دزیکردن لەناو بازاڕی سۆران، دوای گەیشتنی هێزەكانیان بۆ ناو بازاڕ دەرکەوت دوو حاڵەتی دزیکردن روویانداوە.
لە راگەیەندراوەکەدا هاتووە، دوای تۆمارکردنی سکاڵا و رێکخستنی پەڕاوی لێکۆڵینەوە، دوای بەدواداچوون و کۆکردنەوەی زانیاری لە رێگای کامێرای چاودێری، توانرا لەهەمان کات لە بازاڕی سۆران دوو ژن دەستنیشانبکرێن و بە بڕیاری دادوەر دەستگیرکران.
پۆلیسی سۆران باس لە ئەوەش دەکات، تۆمەتباران بەپێی ماددەی 446 لە یاسای سزادان و بە بڕیاری دادوەر راگیراون. روونیشیدەكاتەوە، تۆمەتباران پێشتر لە هەمان بازاڕ چەندین تاوانی دزییان ئەنجامداوە.
