ئەندامێکی ئەنجومەنی نوێنەرانی عێراق رایگەیاند، لە هەفتەی داهاتووەوە لیژنەیەکی هاوبەشی پەیوەندیدار بۆ یەکخستنی مووچەی خانەنشینی دەست بە کۆبوونەوەکانی دەکات.
بڕیار رەشید ئەندامی ئەنجومەنی نوێنەرانی عێراق رایگەیاند، ئەمڕۆ لەگەڵ محەمەد هەمزە سەرۆکی لیژنەی هاوبەش بۆ جێبەجێکردنی یاسای خانەنشینی یەکگرتوو کۆبووینەوە، داوامانلێکرد هەرچی زووە کۆبوونەوەکانی لیژنەی هاوبەشی پەیوەندیدار بە جێبەجێکردنی یاساکە لە هەرێمی کوردستانیش دەستپێبکەن.
ئاماژەی بەوەشکرد، پێشتر دیوانی ئەنجومەنی وەزیران فەرمانێکی دەرکردبوو بۆ پێکهێنانی لیژنەکە، بەڵام لایەنەکانی دیاریینەکردبوو، لە 21 ی تەمموز فەرمانێکی نوێی دەرکردووە و لایەنەکانیشی دیاریکردووە.
ئاشکراشیکرد، لە هەفتەی داهاتووەوە کۆبوونەوەکانی لیژنەکە دەستپێدەکەن، بەڵام ناتوانن نوێنەری یەکێتی خانەنیشینان ناتوانن لەناو لیژنەکەدا بن، بەپێی ئەوەی لە فەرمانە وزارییەکەدا ناویان نەهاتووە، بەڵام دەتوانن لە رێگای ئێمەوە هەرچییەکیان هەیە بیگەیەنن و کاری لەسەربکرێت.
