بە بڕیاری ئەنجومەنی كۆمسیاران سێ كاندیدی نەوەی نوێ بۆ هەڵبژاردنی داهاتووی پەرلەمانی كوردستان دوورخرانەوە.
جومانە غەلای، وتەبێژی کۆمسیۆنی باڵای هەڵبژاردنەکانی عێراق بڕیارێكی كۆمسیۆنی تایبەت بە دوورخستنەوەی چوار كاندیدی هەڵبژاردنی پەرلەمانی كوردستان بڵاوكردەوە.
بەپێی زانیارییەكانی تۆڕی میدیایی ئێستا، سێ لەوان كاندیدی نەوەی نوێن.
هەر بەپێی زانیارییەكان، لەو سێ كاندیدە، دوانیان كارتی بایۆمەترییان نییە، ئەوی دیكەشیان نفوسی كەركوكە.
وەك لە بڕیارەكەی ئەنجومەنی كۆمسیاران دەردەكەوێت، كاندیدی چوارەم سەربەخۆیە و بە تەواوی دوورخراوەتەوە.
