ئایشەگوڵ دۆغان، وتەبێژی دەم پارتی دەڵێت، ئەمڕۆ هەینی، پرۆسەی چەکدانان لە سلێمانی بەڕێوەدەچێت.
وتەبێژی دەم پارتی باسلەوەدەکات، پابەندن بە داواکارییەکانی عەبدوڵا ئۆجەلان، رێبەری زیندانیکراوی پەکەکە و ئەمڕۆش هاوسەرۆکان و نوێنەرانی دەم پارتی، لە رێورەسمی چەکدانانی پەکەکە-دا، لە سلێمانی ئامادەدەبن.
رۆژی 9ـی تەمموزی ئەمساڵ، عەبدوڵا ئۆجەلان، پەیامێکی ڤیدیۆیی بڵاوکردەوە و داوای لە پەکەکە کرد، هێزی سیاسەت و ئاشتیی کۆمەڵایەتی بخەنە بواری جێبەجێکردنەوە و واز لە چەک بهێنن.
