لیژنەی دارایی لە ئەنجومەنی نوێنەرانی عێراق میوانداریی پارێزگاری بانکی ناوەندی کرد بۆ تاوتوێکردنی بەهای دۆلار.
بەپێی ئەو زانیارییانەی دەست تۆڕی میدیایی ئێستا کەوتوون، میوانداریکردنی عەلی عەلاق، پارێزگاری بانکی ناوەندیی عێراق بۆ گفتوگۆکردنە لەسەر ئەو بۆشاییەی نێوان بەهای رەسمی و بازاڕی دۆلار لە وڵاتدا.
ئەوەش لەکاتێکدایە کە بەهای رەسمی یەک دۆلاری ئەمریکی بەرامبەر بە هەزار و 310 دیناری عێراقییە بۆ مامەڵەکانی دەرەوەی وڵات و کارتی ئەلیکترۆنی و هەزار و 305 دیناریشە بە نەختینە، بەڵام بەهای بازاڕی یەک دۆلاری ئەمریکی بە شێوەی نەختینە سەروو هەزار و 400 دینارە.
