راوێژکاری دارایی سەرۆک وەزیرانی عێراق رایگەیاند، هەناردەکردنی خورمای عێراقی بۆ چین هەنگاوێكی ئابوریی گرنگە و دوو سوودی سەرەکیی هەیە.
مەزهەر محەمەد ساڵح، راوێژکاری سەرۆک وەزیرانی عێراق ئاماژەی بەوەکردووە، دەستپێشخەریی هەناردەکردنی خورما بۆ چین هەنگاوێکی ئەرێنییە بۆ پەرەپێدانی کەرتی خورما لە عێراق و وادەکات گرنگیدان بە چاندنی خورما زیادبکات و بەبازاڕکردنی لەسەر ئاستی جیهان بباتە قۆناغێکی باشترەوە لەوەی هەیە.
جەختی لەوەشکردووەتەوە، ساڵانە حکومەتی عێراق لە هەناردەکردنی نەوتەوە بۆ چین 23 ملیار دۆلاری دەستدەکەوێت، بەڵام نەوت بە تەنها بەس نییە و پێویستە کاڵا و شمەکی دیکە هەبن هاوشێوەی نەوت هەناردەی دەرەوەی عێراق بکرێن.
بە گوێرەی داتاکان، عێراق لە نیوەی یەکەمی ساڵی 2024دا شەش هەزار و 500 تۆن بووە بۆ وڵاتی جیهان و بەهاکەی نزیکەی دوو ملیۆن دۆلار بووە.
