وەزارەتی بازرگانی و پیشەسازی پوختەی ئاماری كار و چالاكیی بەڕێوەبەرایەتییەكانی سەربەبەڕێوەبەرایەتیی گشتیی بازرگانی لە وەزارەتی بازرگانی و پیشەسازی لە ماوەی شەش مانگی رابردوو بۆ ساڵی 2024 بڵاوكردووەتەوە و دەڵێت، “لە 6 مانگی رابردوودا 80399 ئۆتۆمبێل هاوردەی هەرێمی كوردستان كراوە”.
لە راگەیەندراوەكەی وەزارەتی بازرگانی و پیشەسازیدا هاتووە، بەڕێوەبەرایەتیی پێشانگا و خزمەتگوزارییە بازرگانییەكان، بەرپرسیارە لەپێدانی مۆڵەتی هاوردە و هەناردەكردن لە هەرێمی كوردستان كە لەڕێگای دەروازە سنوورییەكانی، ئیبراهیم خەلیل، حاجی ئۆمەران، پەروێزخان، باشماخ و هەردوو فرۆكەخانەی نێودەوڵەتیی هەولێر و سلێمانییەوە ئاڵوگۆڕكراون.
ئاماژە بۆ ئەوەش كراوە، كۆی گشتیی ئۆتۆمبێلی هاوردەكراو 80399 ئۆتۆمبێل بووە لەڕێگای پێدانی 457 مۆڵەتەوە.
