سەرۆكایەتیی هەرێمی كوردستان رایدەگەیەنێت، بەئامانجگرتنی ئیسماعیل هەنییە كە بە میوانی لە تاران بوو، سەركۆنەدەكەین.
لە راگەیەندراوێكدا سەرۆكایەتیی هەرێم دەڵێت، “بەئامانجگرتنی ئیسماعیل هەنییە سەرۆكی مەكتەبی سیاسیی بزووتنەوەی حەماس كە بە میوانی لە تاران بوو، سەركۆنە دەكەین و بە نیگەرانییەكی قووڵەوە لەو پێشهاتە مەترسیدارە دەڕوانین”.
ئاماژەی بۆ ئەوەش كردووە ئاڵۆزكردنی زیاتری دۆخەكە، هەڕەشە لە ئارامی و سەقامگیریی تەواوی ناوچەكە دەكات و لێكەوتە و پێشهاتی خراپتری بەدوادادێت.
