هەندێك كەس بەدەست دۆخی قەبزیی درێژخایەنەوە دەناڵێنن، كە زۆرجار ئاستەنگیان بۆ دروست دەكات، بەڵام بەپێی ئەو راپۆرتەی (India Times) بڵاویكردووەتەوە، هەڵبژاردنی سیستمێكی خۆراكیی گونجاو كاریگەریی ئەو كێشەیە كەمدەكاتەوە، لەوانەش:
1- میوەكان
میوەكانی وەك سێو، كیوی و مۆز بڕێكی زۆر ریشاڵیان تیایە، كە هاریكار دەبێت لە باشكردنی هەرس و دەردانی پاشەڕۆ و زیادكردنی جوڵەی ریخۆڵەكان.
2- سەوزەكان
سەوزەكان بڕێكی زۆر سەرچاوە خۆراكییەكانیان تیایە، ئەمەش جوڵەی ریخۆڵە و پرۆسەی هەرسكردن ئاسان دەكات. لە لیستی سەوزەكاندا سپێناخ و پەتاتەی شیرین هەن كە بڕێكی زۆر ریشاڵی پێویستیان بۆ جوڵەی ریخۆڵە تیایە.
3- نیسك و فاسۆلیا
پاقلەمەنییەكانی وەك نۆك و نیسك سەرچاوەیەكی گەورەی ریشاڵن، هاریكار دەبن لە باشكردنی هەرس و دەردان.
4- پرۆبایۆتیکەکان
خواردنی ئەو خۆراكانەی دەوڵەمەندن بە پرۆبایۆتیکەکان، واتە بەكتریای باشی سوودبەخش بە كۆئەندامی هەرس، دەبنەهۆی تەندروست بوونی ریخۆڵە و ئاسانكاریی دەردانی پاشەڕۆ. پرۆبایۆتیکەکان بەشێوەیەكی سەرەكی لە ماستدا هەن.
5- دانەوێڵەی تەواو
دانەوێڵەی تەواو و بەرهەمەكانی گەنمی تەواو سەرچاوەیەكی سەرەكیی ریشاڵە نەتواوەكانن بۆ بەدەستهێنانی زۆرترین سوودی خۆراكی. دانەوێڵەی تەواو كە كەپەكیش لەخۆبگرێت، دەوڵەمەندە بە ریشاڵ و ئەوەش سوودبەخشە بۆ ریخۆڵە و كاری هەرس.
