بەهۆی رژانی رۆنی رەشەوە ئاستەنگی هاتوچۆ لە رێگایەک دروستبوو

بەهۆی رژانی رۆنی رەش لەسەر شەقامەکە، لە بەیانی ئەمڕۆوە ئاستەنگی هاتوچۆ لەسەر رێگای پێنجوێن دروستبووە.

بەڕێوەبەرایەتیی هاتوچۆی سلێمانی بڵاویکردەوە، سه‌ر له‌به‌یانی ئه‌مڕۆ چوارشه‌ممه‌ له‌سه‌ر رێگای پێنجوێن له‌نزیك گوندی كه‌وڵۆس_ه‌وه‌ تاوه‌كو گوندی كانی كه‌ژان به‌هۆی رژانی رۆنی ره‌ش له‌ دوو ئۆتۆمبێلی بارهه‌ڵگری تایبه‌ت به‌ سووته‌مه‌نی ئاسته‌نگی هاتوچۆ له‌و رێگایه‌دا دروستبووه‌‌.

ئاشکراشیکرد، له ‌ئێستادا تیمه‌كان سه‌رقاڵی پاككردنه‌وه‌ی رێگاكه‌ن، هاتوچۆی پێنجوێن داوا له‌شۆفێران ده‌كات به‌وریاییه‌وه‌ شۆفێری بكه‌ن.